पछिल्लो २४ घन्टामा नेपालमा थप नाै सय ३४ जनामा कोरोना भाइरसको संक्रमण पुष्टि भएको छ । देशभरबाट दुई हजार आठ सय ६२ पिसिआर तथा दुई हजार चार सय ८९ एन्टिजेन परीक्षणको क्रममा थप संक्रमित भेटिएका हुन् । 

स्वास्थ्य मन्त्रालयका अनुसार कोरोनाबाट पछिल्लो २४ घन्टामा एकजनाले ज्यान गुमाएका छन् । यससँगै हालसम्म कोरोनाबाट ज्यान गुमाउनेको संख्या ११ हजार नाै सय ७२ पुगेको छ । मन्त्रालयले आज चार सय ७० जना कोरोना संक्रमणमुक्त भएको जनाएको छ । हाल देशभर पाँच हजार ६ सय ८६ कोरोनाका सक्रिय संक्रमित छन् ।