- वि.सं २o८१ जेठ ३ बिहीबार
प्रहरी महानिरीक्षक (आइजिपी) बढुवा विवादमा आजबाट अन्तिम सुनुवाइ सुरु हुँदै छ । सर्वोच्च अदालतमा आज (मंगलबार) बाट आइजिपी बढुवा विवादको अन्तिम सुनुवाइ हुन लागेको हो ।
गत वैशाख २२ गते न्यायाधीश सुस्मालता माथेमाको एकल इजलासले लिखित जवाफ माग गर्दै अन्तरिम आदेश जारी गर्न अस्वीकार गरेको थियो । सोही इजलासमा नै अन्तरिम सुनुवाइ जेठ १७ गते मंंगलबारलाई तोकिएको थियो ।
सरकारले पहिलो वरीयतामा रहेका एआइजी विश्वराज पोखरेललाई प्रहरी प्रमुख नबनाई तेस्रो वरीयतामा रहेका धीरजप्रताप सिंहलाई आइजिपी बनाएपछि विवाद चुलिएको थियो । एआइजी पोखरेलले आफूभन्दा कनिष्ठलाई सरकारले प्रहरी ऐन र नियमावलीविपरीत आइजिपी बनाएको भन्दै सर्वोच्च अदालतमा रिट दर्ता गरेका थिए ।
