- वि.सं २o७९ जेठ ९ सोमबार
जनकपुरधाम उपमहानगरपालिकाको मेयरमा कांग्रेसका बागी उम्मेदवार मनोज साह निर्वाचित भएका छन् । १३ हजार ४६५ मतसहित साह निर्वाचित भएका हुन् ।
उनका निकटतम प्रतिद्वन्द्वी एमालेका शिवशंकर साह हिराले ९ हजार ५३२ मत ल्याए ।
मेयरका उम्मेदवार लोसपाका मनोज चौधरीले ५ हजार ३६० मत र सत्तारुढ गठबन्धनबाट जसपाका उम्मेदवार लालकिशोर साह ५ हजार १९४ मत ल्याएका छन् । जसपाका उम्मेदवार साह जनकपुरधामका निवर्तमान मेयरसमेत हुन् ।
उपमेयरमा कांग्रेसका किशोरी साह निर्वाचित भएकी छिन् । उनी १५ हजार ५२५ मतसहित निर्वाचित भएकी हुन् । उनका निकटतम प्रतिद्वन्द्वी एमालेकी रुना झाले १० हजार ८८५ मत ल्याइन् ।
