Read Time : < 1 मिनेट
२o८१ बैशाख २६ बुधबार १३:२४:oo
वीरगन्ज महानगरपालिकाको मेयरमा पाँचदलीय गठबन्धनका साझा उम्मेदवार राजेशमान सिंहले दोब्बर मतान्तरले अग्रता लिएका छन्। दिउँसो १ बजेसम्म ३० हजार एक सय ६३ मतगणना हुँदा गठबन्धनबाट जनता समाजवादी पार्टीका उम्मेदवार सिंहले १६ हजार एक सय १३ मत ल्याएका छन्।
महानगरको मेयरका अर्का प्रतिस्पर्धी नेकपा एमालेका उम्मेदवार विजय सराबगीले आठ हजार दुई सय पाँच मत ल्याएका छन्। उनी महानगरको निवर्तमान मेयरसमेत हुन्। राप्रपाका गिरीश गिरीले सात हजार आठ मत पाएका छन्।
त्यसैगरी, उपमेयरमा गठबन्धनबाट कांग्रेसका इम्तियाज आलम ११ हजार चार सय ६३ मतसहित पहिलो स्थानमा छन् भने एमाले–लोसपा गठबन्धनका पुरुषोत्तमलाल झाले दुई हजार दुई सय ७३ मतसहित उनलाई पछ्याइरहेका छन्। राप्रपाकी विना जैसवालले एक हजार एक सय ५३ मत प्राप्त गर्दा उपमेयरकी स्वतन्त्र उम्मेदवार रम्भा मिश्राले एक हजार ६ सय ६३ मत पाएकी छिन्।
वीरगन्ज महानगरपालिकाको वडा नम्बर १ देखि ६ तथा २९ देखि ३२ सम्मको मतगणना सम्पन्न भइसकेको छ।
