- वि.सं २o७९ जेठ ४ बुधबार
कञ्चनपुरको कृष्णपुर नगरपालिका– ९ मा एमालेको गढ भत्काउँदै नेपाली कांग्रेसका उम्मेदवार कैलाशबहादुर बलायर भारी मतका साथ निर्वाचित भएका छन । बलायरले आफ्ना निकटतम् प्रतिद्वन्द्वी एमालेका गणेशबहादुर ऐरलाई तीन सय ७९ मतको अन्तरले हराउँदै वडाध्यक्षमा निर्वाचित भएका हुन् ।
निर्वाचन कार्यालयले सार्वजनिक गरेको मतपरिणाम अनुसार कांग्रेसका बलायरले एक हजार दुई सय २१ र एमालेका ऐरले आठ सय ४२ मत ल्याएका थिए । यसअघि ०७४ मा एमालेकै उम्मेदवार छत्र महरासँग पराजित भएका कांग्रेसका बलायर यसपटक फराकिलो मतका साथ निर्वाचित भएका छन् ।
बलायर अघिल्लोपटक एक सय ९८ मतले एमालेका महरासँग पराजित भएका थिए । उतिवेला वडामा एमालेका महराले आठ सय २६, कांग्रेसका बलायरले ६ सय २८ मत ल्याएका थिए । पाँच वर्षपछि बलायले वडामा दोब्बर मत ल्याएका छन् ।
