मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o७९ जेठ १ आइतबार
  • Saturday, 12 July, 2025
नयाँ पत्रिका काठमाडौं
२o७९ जेठ १ आइतबार १७:३६:oo
Read Time : < 1 मिनेट
निर्वाचन डिजिटल संस्करण

भक्तपुरमा फराकिलो अन्तरले नेमकिपा अगाडि, तीनवटा वडामा प्यानल नै विजयी 

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o७९ जेठ १ आइतबार १७:३६:oo

भक्तपुर नगरपालिकामा नेपाल मजदुर किसान पार्टी (नेमकिपा)ले अन्य पार्टीका उम्मेदवारको तुलनामा ठूलो मतान्तरले अग्रता लिएको छ। नगरपालिकाका तीनवटा वडामा मतगणना गरिसक्दा  नेमकिपाका सुनिल प्रजापतिले ११ हजार चार सय १६ मत प्राप्त गरेका छन् । तीनवटा वडाको १८ हजार पाँच सय ५६ मत गणना गर्दा उनले झन्डै दोब्बर मत ल्याएका हुन्। नेपाली कांग्रेसबाट मेयरका उम्मेदवार रामप्रसाद कासुलाले दुई हजार ३६ मत प्राप्त गरेका छन्। 

त्यस्तै, एमालेका रवीन्द्र लाछिमसूले एक हजार तीन सय ३४ मत ल्याएका छन्। यी दुई पार्टीको तुलनामा नेमकिपाले ठूलो मतान्तरले अग्रता लिएको छ। भक्तपुर नगरपालिकाको उपमेयरतर्फ नेमकिपाकै रजनी जोशीले ११ हजार ५९५ मत ल्याएकी छिन् । समाजवादीबाट उपमेयरका उम्मेदवार ओमचरण अमात्यले एक हजार चार सय ५२ मत ल्याएका छन्। 

भक्तपुर नपामा ४३ हजार तीन सय ५९ हजार मत खसेको थियो। तीनवटा वडा १, २ र ३ मा मत गणना गर्दा नेमकिपाको प्यानल नै विजयी भएको छ। भक्तपुरमा विगतमा झैँ नेमकिपाले यसपटक पनि एकल जित दोहोर्याउने अनुमान गरिएको छ। यसअघि २०७४ को निर्वाचनमा मेयरदेखि वडासदस्यसम्म नेमकिपाले नै जितेको थियो। यसपटक पनि सोही नतिजा आउने आकलन गरिएको छ।