तनहुँको व्यास नगरपालिका– ८ का  दुईवटा मतदान केन्द्रमा पुनः मतदान हुने भएको छ । सो वडाको रिस्ती गाविस भवन फेदीका दुई मतदान केन्द्रमा ४ जेठमा पुनः मतदान हुने मुख्य निर्वाचन अधिकृत हरिशचन्द्र ढुंगानाले जानकारी दिए । ‘निर्वाचन आयोगको निर्णयअनुसार रिस्तीमा रहेका दुईवटा केन्द्रमा ३० वैशाखमा भएको मतदान कार्य रद्ध गरी फेरि मतदान गराउनु भन्ने निर्देशन आएकाले मतदान गराउन लागिएको हो,’ उनले भने ।

३० वैशाखमा भएको स्थानीय तहको निर्वाचनमा स्वतन्त्र उमेदवार दीपकराज जोशीमाथि कांग्रेस कार्यकर्ताबाट आक्रमण भएको थियो। आक्रमणबाट घाइते भएका जोशीको काठमाडौंस्थित फ्रन्टलाइन अस्पतालमा उपचार भैरहेको छ । पुनः निर्वाचन हुन लागेको मतदानस्थल नेपाली कांग्रेसका वरिष्ठ नेता रामचन्द्र पौडेलको वडा हो ।