Read Time : < 1 मिनेट
२o८१ बैशाख ३१ सोमबार २१:४३:oo
लमजुङ प्रहरीले लमजुङमा निर्माणाधीन २२० केभी राष्ट्रिय प्रसारणलाइन निर्माणमा अवरोध गरेको भन्दै आइतबार ४ जनालाई नियन्त्रणमा लिएको छ । प्रहरीले तार टाँगिरहेको समयमा डोरी काटेको र गाडी तोडफोड गरेपछि दोर्दी गाउँपालिका १ ढोकेबेँसीका पवित्रा थापा, राजेश थापा, सञ्जीव थापा र सन्तोष गिरीलाई नियन्त्रणमा लिएको हो ।
लमजुङका प्रहरी प्रमुख डिएसपी कृष्णबहादुर कार्कीले दोर्दी गाउँपालिका १, ढोकेबेँसीमा राष्ट्रिय प्रसारणलाइन निर्माण गर्ने क्रममा तार टाँग्दै गर्दा डोरी काटेको भन्दै उनीहरूलाई नियन्त्रणमा लिएको हो ।
डिएसपी कार्कीका अनुसार उनीहरूले प्रसारणलाइनको एउटा गाडीमा पनि तोडफोड गरेका छन् । पीडितहरूले २२० केभी प्रसारण लाइनमुनि आफ्नो घरजग्गा रहेको र प्रभावित भए पनि पीडितको सुनुवाइ नभएको भन्दै पीडितहरूले संघर्षका विभिन्न कार्यक्रमहरू गर्दै आएका थिए ।
