- वि.सं Invalid date format
एक हजारभन्दा बढी युक्रेनी सैनिकले पूर्वी युक्रेनको बन्दरगाह सहर मारिउपोलमा आत्मसमर्पण गरेका रुसको रक्षा मन्त्रालयले बुधबार जनाएको छ। रुसी रक्षा मन्त्रालयका अनुसार युक्रेनको ३६औँ मरिन ब्रिगेडका १६२ अधिकारीसहित एक हजार २६ सैनिकले आत्मसमर्पण गरेका हुन् । ‘रुसी सशस्त्र बल र डोन्तेस्क जनगणतन्त्रका सैन्य इकाइको सफल प्रयासमा ३६औँ मरिन ब्रिगेडका १०२६ सैनिकले स्वेच्छाले हतियार बिसाएर आत्पसमर्पण गरेका छन्,’ रुसी रक्षा मन्त्रालयद्वारा जारी विज्ञप्तिमा भनिएको छ ।
१५१ जना घाइते युक्रेनी सैनिकलाई मारिउपुलका अस्पतालमा पठाइएको पनि रुसी रक्षा मन्त्रालयले जनाएको छ । आत्मसमर्पण गरेका सैनिकहरूलाई एक महिनाभन्दा बढी समयदेखि रुसी सेनाले आफ्नो नियन्त्रणमा राखेको बताइएको छ ।
