- वि.सं Invalid date format
जनता समाजवादी पार्टी (जसपा)ले कार्यकारिणी सदस्य प्रदीप यादवमाथि गरेको कारबाही फुकुवा गरेको छ। उनलाई अध्यक्ष उपेन्द्र यादवको पुत्ला जलाएको आरोपमा जसपाले अनुशासनको कारबाही गरेको थियो। मन्त्रीको आकांक्षी रहेका उनी सन्तुष्ट बनेका थिए।
जसपा केन्द्रीय कार्यकारिणी समिति बैठकले उनीविरुद्धकाे कारबाही फिर्ता लिने निर्णय गरेको पार्टीका कार्यालय सचिव प्रकाश अधिकारीले बताए। मंसिर ५ मा बसेको कार्यकारिणी समितिको बैठकले उनलाई केन्द्रीय कार्यकारिणी समिति सदस्यबाट हटाएर साधारणा सदस्य कायम गरेको थियो। यादव पर्सा क्षेत्र नम्बर १ का प्रतिनिधिसभा सांसदसमेत हुन्।
जसपाको केन्द्रीय समिति बैठक जारी छ। बैठकमा संघीय परिषद् अध्यक्ष डा. बाबुराम भट्टराईले तयार पारेको राजनीतिक प्रस्ताव पेस गरिएको छ। यस्तै, निर्वाचन निर्देशिकाबारे पनि बैठकले छलफल गर्दै छ।
