- वि.सं २o८१ बैशाख १७ सोमबार
काठमाडौं महानगरपालिकाका मेयर विद्यासुन्दर शाक्यले पार्टीले जिम्मेवारी दिए पुनः महानगरको प्रमुखमा आफ्नो दाबेदारी रहने बताएका छन्। बिहीबार काठमाडौं महानगरपालिका– २१ गोफल टोलमा निर्माणाधीन श्रीधर नारायण परिसरको फल्चा र पार्कको शिलान्यास कार्यक्रममा बोल्दै मेयर शाक्यले यस्तो बताएका हुन्।
आफ्नो कार्यकालमा धेरै स्थानमा सांस्कृतिक सम्पदाह?को शिलान्यास गरिएको भन्दै मेयर शाक्यले सम्पदा निर्माणको काम चाँडै सकेर उद्घाटन गर्ने बताए।
‘आगामी निर्वाचनका लागि अहिले नै उम्मेदवारी दिन्छु भनेर त नभनौँ । म एउटा पार्टीको कार्यकर्ता हो। पार्टीले आवश्यकताअनुसार कुन जिम्मेवारी दिने हो, त्यो पार्टीले निर्णय गर्ने कुरा हो,’ शाक्यले भने, ‘अर्को भनेको महानगरवासीको चाहना के छ ? त्यो बुझेर पार्टीले जिम्मा दिए काम गर्ने हो, होइन भने पार्टीले जसलाई जिम्मा दिए पनि काठमाडौं महानगरपालिका हामी जित्ने गरेर तयारी अवस्थामा छौँ।’
मेयर शाक्यले महानगरपालिकाभित्रका ऐतिहासिक, सांस्कृतिक सम्पदालाई संरक्षण, संवर्द्धन र पर्यटनसँग जोड्ने काम महानगरको भएको उल्लेख गर्दै आगामी दिनमा पनि सांस्कृतिक सम्पदाको संरक्षण गर्दै जाने बताए।
