Read Time : < 1 मिनेट
२o८१ जेठ ६ आइतबार ११:५७:oo
प्रदेश २ को प्रदेश सभा बैठक आज दिउँसो १ बजे बस्ने भएको छ। आज बस्ने बैठकमा प्रदेश सरकारले प्रदेश प्राविधिक विश्वविद्यालय अध्यादेश, २०७८ पेस गर्ने कार्यसूची रहेको छ। प्रदेश सरकारका तर्फबाट सामाजिक विकासमन्त्री नवलकिशोर साहले उक्त अध्यादेश पेश गर्ने कार्ययूची रहेको प्रदेश सभा सचिवालयले जनाएको छ।
यस्तै, प्रदेश सरकारले ल्याउने सो अध्यादेशविरुद्ध प्रतिपक्षी दल लोकतान्त्रिक समाजवादी पार्टीका प्रमुख सचेतक परमेश्वर साहले अध्यादेश अस्वीकृत गर्नेसम्बन्धी प्रस्ताव पेस गर्ने प्रदेश सभा सचिवालयका सचिव रञ्जितकुमार यादवले जानकारी दिए। यसअघि गत बिहीबार बसेको प्रदेश सभा बैठकले प्रदेश सरकारले ल्याएको प्रदेश कृषि विश्वविद्यालय अध्यादेश, २०७८ स्वीकृत गरेको थियो। रासस