घरमा आगलागीपछि ग्यास सिलिन्डर पड्किँदा ललितपुरमा चारको मृत्यु

Read Time : < 1 मिनेट

नयाँ पत्रिका, ललितपुर

नयाँ पत्रिका

२o८१ जेठ १५ मंगलबार २१:५१:oo

ललितपुरको पाटनस्थित एक घरमा आगलागीपछि ग्यास सिलिन्डर पड्किँदा चारको मृत्यु भएको छ । प्रहरीका अनुसार मृत्यु हुनेमा घरधनी लक्ष्मीकृष्ण ताम्राकार, छोरी अन्जना, बुहारी रन्जना र नाति निर्जल छन् ।

दुईजना गम्भीर घाइते भएका छन् । उनीहरूको पाटन अस्पतालमा उपचार भइरहेको प्रहरीले जनाएको छ । शुक्रबार साँझ म्हः पूजा गर्ने क्रममा आगलागी भएको स्थानीयले बताएका छन् ।

चारतले पुरानो घरको तेस्रो तलामा बालेको दियो पर्दामा सल्किएर आगलागी भएको हो । आगो फैलिएर चौथो तलास्थित भान्सामा रहेको ग्यास सिलिन्डर पड्किएको थियो ।

#आगलागी # मृत्यु