- वि.सं २o८१ जेठ ३ बिहीबार
बाँके प्रहरीले वन्यजन्तु ओसार–पोसार मुद्दाका फरार कसुरदारलाई पक्राउ गरेको छ । वन्यजन्तु ओसार–पोसार मुद्दामा बाँके जिल्ला अदालतले १२ असार, ०७३ मा ११ महिना १० दिन कैद सजाय तोके पनि फरार रहेका राप्तीसोनारी गाउँपालिका –९ का ४४ वर्षीय मनिराम थारू र सोही ठाउँका ४३ वर्षीय धनीराम थारूलाई पक्राउ गरेको हो ।
उनीहरू फैसला आएदेखि फरार थिए । विशेष सूचनाका आधारमा उनीहरूलाई जिल्ला प्रहरी कार्यालय बाँकेको टोलीले बिहीबार पक्राउ गरी अदालतमा बुझाएको बाँकेका प्रहरी प्रवक्ता प्रहरी नायब उपरीक्षक मधुसुधन न्यौपानेले जानकारी दिए ।
