- वि.सं २o८१ बैशाख २५ मंगलबार
भारतीय मोडल मनोज पाटिलको आत्महत्या प्रयासमा अभिनेता साहिल खानविरुद्ध मुद्दा दायर भएको छ । पाटिललाई आत्महत्या गर्न दुरुत्साहन गरेको आरोपमा साहितविरुद्ध मुद्दा दर्ता भएको मुम्बई प्रहरीलाई उदृत गर्दै भारतीय सञ्चारमाध्यमले जनाएका छन् ।
मिस्टर इन्डिया बडिबिल्डरसमेत रहेका पाटिलले बुधबार राति अत्यधिक औषधि सेवन गरी आत्महत्याको प्रयास गरेका थिए । खानले आफूविरुद्ध भ्रामक सूचना र भिडियो प्रसारित गरेपछि प्रताडना र बदनामीका कारण आत्महत्याको प्रयास गरेको पाटिलको सुसाइड नोटमा उल्लेख छ।
तर, साहिलले भने पाटिल र राज फौजदार नामका व्यक्तिबीचको मामलामा जबरजस्ती आफूलाई तानिएको बताएका छन् । उनका अनुसार पाटिलले फौजदारसँग पैसा लिएर म्याद गुज्रेको स्टेरोएड बेचेपछि फौजदारले यस विषयमा भिडियो बनाएका थिए ।
फौजदारको सपोर्टमा आफूले सामाजिक सञ्जालमा सो भिडियो सेयर गरेको साहिलले बताएका छन् ।
