- वि.सं २o८१ जेठ ५ शनिबार
उद्योगमा कार्यरत महिलामाथि दुव्र्यवहार गरेको आरोपमा विराटनगर– १३ रानीस्थित तयारी पोसाक उद्योगका प्रमुख कार्यकारी अधिकृतलाई प्रहरीले पक्राउ गरेको छ । गोल्यान समूहले सञ्चालन गर्दै आएको ट्राइकोट इन्डस्ट्रिज प्रालिका प्रमुख कार्यकारी अधिकृत भारतीय नागरिक सञ्जय चाण्डोकलाई मंगलबार नियन्त्रणमा लिएको हो ।
उद्योगमा कार्यरत करिब तीन सय मजदुर कर्मचारीले सिइओ चाण्डोकले महिला मजदुरहरूलाई यौन दुव्र्यवहार गर्नुको साथै पुरुष श्रमिकहरूलाई कामबाट निकाल्ने धम्की दिने गरेको आरोप लगाएका छन् ।
कारबाहीको माग गर्दै श्रमिकहरू आन्दोलित भएपछि सिइओ चाण्डोकलाई नियन्त्रणमा लिएर आवश्यक अनुसन्धान थालेको मोरङका एसपी जनार्दन जिसीले बताए ।
चाण्डोकले उद्योगको मानव संसाधन फाँटकी महिला कर्मचारीमाथि गत जेठमा दुव्र्यवहार गरेको मजदुरहरूले आरोप लगाएका छन् । उनले महिला कर्मचारीसँग व्यक्तिगत मामलाका कुराहरू सोधखोज गर्ने, रातिराति फोन गर्ने र काममा चित्त नबुझेको भन्दै धाकधम्की दिने गरेका थिए ।
साढे तीन सय मजदुरले काम गर्ने उक्त उद्योगमा एक सय ५० भन्दा बढी महिला कामदार छन् । यो उद्योगले विदेशमा तयारी कपडा निर्यात गर्ने गरेको छ ।
