- वि.सं Invalid date format
नेपाल सरकारले उद्योगी अरुणकुमार चौधरीलाई औपचारिक रूपमा हंगेरीका अवैतनिक महावाणिज्यदूतमा नियुक्त गरेको छ । चौधरीलाई हंगेरीका परराष्ट्रमन्त्री पिटर सियार्टोले १७ फेब्रुअरीमा प्रदान गरेको कन्सुलर कमिसनका आधारमा नेपाल सरकारले हंगेरीका लागि अवैतनिक महावाणिज्यदूतमा नियुक्त गरेको हो ।
चौधरीलाई परराष्ट्र मन्त्रालयका शिष्टाचार महापाल डा. दुर्गाबहादुर सुवेदी क्षत्रीले ओहदाको प्रमाणपत्र हस्तान्तरण गरेको जनाइएको छ । डा. सुवेदीले उहाँलाई बधाई दिँदै सफल कार्यकालको कामना गरेको चौधरीको सचिवालयले जनाएको छ ।
चौधरी नेपालको व्यावसायिक घराना सिजी होल्डिंग्सका अध्यक्ष तथा प्रबन्ध सञ्चालक हुन् । ओहदाको प्रमाणपत्र हस्तान्तरण कार्यक्रममा चौधरीले आगामी दिनमा नेपाल र हंगेरीबीचको बहुआयामिक सम्बन्धलाई नयाँ उचाइमा पुर्याउने प्रतिबद्धता व्यक्त गरेका थिए ।
