युनिभर्सल मेडिकल कलेज भैरहवाले आज ४ बजेपछि अक्सिजनसहितका उपचार सेवा नदिने निर्णय गरेको छ । कोभिड– १९ बाट संक्रमित भई अक्सिजन उपचारमा रहेका बिरामीहरूका लागि अतिआवश्यक रहेको अक्सिजन आपूर्ति नभएको भन्दै वैशाख २९ गते दिउँसो ३ देखि ४ बजेसम्म मात्र अक्सिजन रहेकाले त्यसपछिको उपचार सेवा दिन सकिने अस्पतालका जनसम्पर्क अधिकृत सुशील गुरुङले बताए ।
अस्पताललाई आवश्यक पर्ने अक्सिजन माग गर्दा पनि कहीँकतैबाट सुनुवाइ नभएपछि अस्पतालले विज्ञप्ति जारी गर्न बाध्य भएको गुरुङले बताए । अस्पताल प्रशासनले विज्ञप्ति जारी गर्दै दैनिक सात सयभन्दा बढी सिलिन्डर माग रहेको अस्पतालमा जिल्लामा रहेका तीनवटै अक्सिजन प्लान्ट र अन्य जिल्लाहरूबाट समेत अक्सिजन आपूर्तिमा कठिनाइ भएको भन्दै उपचारत बिरामी पक्षले आ–आफ्नो व्यवस्थापन गर्न अनुरोध गरेको छ ।
अक्सिजन अभावमा हुन सक्ने भवितव्यलाई मध्यनजर गर्दै आफ्ना बिरामीहरूलाई व्यवस्थित गर्न अस्पताल प्रशासनले आग्रह गरेको छ ।