- वि.सं २o८१ बैशाख १७ सोमबार
कोरोना भाइरसको संक्रमण जोखिम बढिरहेको मौका पारी राजधानीबाट सोलुखुम्बु प्रवेश गर्ने यात्रुहरूबाट चर्को भाडा असुली गर्ने सवारीचालकलाई कारबाही गरिएको छ ।
बुधबार पत्ताले नाकामा परिचालित प्रहरी टोलीले तोकिएकोभन्दा बढी भाडा असुली गर्ने सवारीचालकलाई नियन्त्रणमा लिई जरिवाना तिराएको हो । काठमाडौंमा निषेधाज्ञा लागू भएपछि जिल्ला भित्रिने नागरिकहरूको संख्या बढिरहेको छ ।
यात्रुहरूको चाप बढिरहेको मौका छोपी ना.१ज ७३१६, ना.१ज ५८७१, ना.१ज ४८०४ र ना.१ज ५५५५ नम्बरको सुमो गाडीमा सवार १४ जना यात्रुबाट तोकिएकोभन्दा बढी भाडा लिइएको थियो ।
यात्रुबाट बढी लिइएको नौ हजार पाँच सय रुपैयाँ उनीहरूलाई नै फिर्ता गरिएको जिल्ला प्रहरी कार्यालय सोलुखुम्बुका इन्स्पेक्टर ऋषिराम ढकालले बताए ।
