समाचार
डिजिटल संस्करण
बढ्यो भारतीय पाहुनाको ओहोर दोहोर : अर्थमन्त्रीको निमन्त्रणमा भाजपा विदेश विभाग प्रमुख नेपालमा
Read Time : < 1 मिनेट
२०७७ मङ्सिर २५ बिहीबार १६:१०:००
छिमेकी देश भारतसँग चिसिएको सम्बन्ध सुधारका लागि प्रयासहरु बाक्लिएको देखिएको छ ।
भारतीय विदेश सचिवले नेपाल भ्रमण गरेर फर्किएको दुई सातापछि भारतको सत्तारुढ दल भारतीय जनता पार्टीका एक जिम्मेवार नेता नेपाल भ्रमणमा आएका छन् ।
भाजपाको विदेश विभाग प्रमुख विजय चौथाइवा आज काठमाडौं आइ पुगेका छन् ।
उनी अर्थमन्त्री विष्णुप्रसाद पौडेको निमन्त्रणमा नेपाल भ्रमणमा आएको स्रोतले जनाएको छ ।
आज नै उनले प्रधानमन्त्री केपी शर्मा ओलीसँग भेटघाट गरेका छन् ।
विगतमा चिसिएको सम्बन्धलाई पुनः सामान्य बनाउन प्रधानमन्त्री ओलीको चाहना अनुसार भाजपाका विदेश विभाग प्रमुख चौथाइवाले भ्रमणका लागि आएको स्रोतले जनाएको छ ।
दुई देशबीच चिसिएकाे सम्बन्ध भारतीय स्थल सेनाध्यक्षकाे भ्रमणपछि क्रमशः बाक्लिन पुगेकाे छ ।
