कारको ठक्करबाट वृद्धको मृत्यु

Read Time : < 1 मिनेट

नयाँ पत्रिका, सप्तरी

नयाँ पत्रिका

२o८१ जेठ १ मंगलबार ११:११:oo

पूर्व-पश्चिम राजमार्गअन्तर्गत सप्तरीको बरमझियामा आज बिहान कारको ठक्करबाट एक वृद्धको घटनास्थलमै मृत्यु भएको छ ।

मृत्यु हुनेमा सप्तरीको कञ्चनरूप नगरपालिका– २ बरमझिया निवासी ७५ वर्षीय तिलक सुरेत रहेको इलाका प्रहरी कार्यालय कञ्चनरूपका प्रहरी नायव उपरीक्षक नरेशकुमार सिंहले जानकारी दिए ।

पूर्वबाट पश्चिम जाँदै गरेको बा.१८च ७७३४ नम्बरको कारले बाटो काट्ने क्रममा तिलकलाई ठक्कर दिएको थियो । सो ठक्करबाट उनको घटनास्थलमै मृत्यु भएको प्रहरीले जनाएको छ ।

ठक्कर दिएर भाग्न खाजेकाे कारलाई प्रहरी चौकी मोहलीले नियन्त्रणमा लिएको जिल्ला प्रहरी कार्यालयले जनाएको छ ।

#कारको ठक्कर # वृद्ध