- वि.सं Invalid date format
माछापुच्छ्रे बैंक लिमिटेडले भारतमा रहेका नेपालीले भारतको ओम एक्सप्रेस पेमेन्ट सर्भिसेजमार्फत विनाकुनै अतिरिक्त शुल्क नेपालमा पैसा पठाउन सक्ने व्यवस्था गरेको छ । बैंकले चाडबाडको समयलाई लक्षित गरी २ महिनासम्म अतिरिक्त शुल्क नतिरी रकम पठाउन सकिने व्यवस्था गरेको हो ।
भारतको ओम एक्सप्रेस पेमेन्ट सर्भिसेजसँग सम्पर्क गरी भारतका जुनसुकै स्थानबाट नेपालमा विनाकुनै अतिरिक्त शुल्क पैसा पठाउन सकिने बैंकले जनाएको छ ।
यसरी पठाएको पैसा नेपालमा रहेका माछापुच्छ्रे बैंकका १ सय ६० शाखा, १ सय ३३ शाखारहित बैंकिङ सेवालगायत देशभर रहेका १० हजारभन्दा बढी रेमिट्यान्स एजेन्टमार्फत सहज र सरल तरिकाबाट भुक्तानी लिन सकिने जनाइएको छ ।
