मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ बैशाख ६ सोमबार
  • Monday, 19 April, 2021
२०७७ असोज ५ सोमबार १६:४१:००
Read Time : < 1 मिनेट
समाचार डिजिटल संस्करण

राक्सिराङमा जिप दुर्घटना हुँदा दुईजनाको मृत्यु, एक गम्भीर घाइते

Read Time : < 1 मिनेट
२०७७ असोज ५ सोमबार १६:४१:००

मकवानपुरको विकट क्षेत्र राक्सिराङ गाउँपालिका– ३ स्थित झिल्किनीमा जिप दुर्घटना हुँदा दुईजनाको मृत्यु भएको छ भने एकजना गम्भीर घाइते भएका छन् । 

जिल्लाको पश्चिमी क्षेत्रमा पर्ने राक्सिराङनजिक मनहरी बजारबाट सामानका साथै यात्रु बोकेर झिल्किनी जाँदै गरेको ग.१ज ७१७५ नम्बरको बोलेरो जिप दुर्घटना हुँदा दुईजनाको घटनास्थलमै मृत्यु भएको र एकजना गम्भीर घाइते भएको प्रहरीले जनाएको छ । 

जिप सडकबाट करिब ४० मिटर तल खस्दा स्थानीयवासी १४ वर्षीय अनुप वाइबा र १३ वर्षीय रिजन तितुङको घटनास्थलमै मृत्यु भएको जिल्ला प्रहरी कार्यालय प्रवक्ता डिएसपी इन्द्रबहादुर रानाले जानकारी दिए । 

दुर्घटनामा परी सोही स्थानका २७ वर्षीय सुरज शाही गम्भीर घाइते भएका छन् । शाहीलाई चितवन पठाइएको प्रहरीले जनाएको छ । 

घटनास्थलमा इलाका प्रहरी कार्यालयबाट र राक्सिराङ चौकीबाट टोली खटाइएको र दुर्घटनाबारे थप बुझ्ने काम भइरहेको डिएसपी रानाले बताए । 

जिपमा चालकसहित सातजनामध्ये तीनको अवस्था सामान्य रहेको छ ।