कर्णालीमा शनिबार एकजना कोरोना संक्रमित थपिएका छन् ।
शनिबार प्रदेश अस्पताल–पशुपन्छी रोग अन्वेषण प्रयोगशाला सुर्खेतमा गरिएको परीक्षणमा पाल्पा रम्भा गाउँपालिका–५ का २५ वर्षीय पुरुषमा कोरोना संक्रमण देखिएको सामाजिक विकास मन्त्रालयका स्वास्थ्य महाशाखाका प्रमुख डा. लक्ष्मीनारायण तिवारीले बताए ।
तिवारीका अनुसार हाल कर्णालीमा कोरोना संक्रमितको संख्या एक हजार नाै सय ३९ पुगेको छ ।
त्यसैगरी शनिबार कर्णालीमा सातजना निको भएर डिस्चार्ज भएका छन् । प्रदेश अस्पताल सुर्खेतबाट चारजना, दैलेख अस्पतालबाट दुईजना र सल्यानको छत्रेश्वरी गाउँपालिकाको आइसोलेसनबाट एकजना कोरोना संक्रमित निको भएर डिस्चार्ज भएको डा. तिवारीले जानकारी दिए ।
‘कर्णालीमा निको हुनेको संख्या १७ सय २२ पुगेको छ,’ उनले भने, ‘अहिले सक्रिय संक्रमित दुई सय ११ जना छन् ।’