राष्ट्रपति विद्यादेवी भण्डारीले संसदमा नीति तथा कार्यक्रम प्रस्तुत गर्दै हाल कायम रहेका अञ्चल अस्पतालहरूलाई आगामी वर्ष दुई सय शय्याको बनाउनका लागि सरकारले काम गर्ने बताएकी छिन् ।
त्यस्तै, भूगोल र जनसङ्ख्याको आधारमा पाँचदेखि १५ शय्याको आधारभूत अस्पतालको विकास र स्तरोन्नति गरिने पनि प्रस्तुत कार्यक्रममा उल्लेख छ ।
भण्डारीले अस्पतालको सुधारलाई सरकारले प्राथमिकतामा राखेको बताएकी छिन् । प्रदेशमा रहेका साबिकका जिल्ला अस्पतालहरूलाई २५ देखि ५० शय्याको अस्पतालमा विकास गरिने पनि बताइन् ।