- वि.सं २o८३ श्रावण २८ बिहीबार
विद्यार्थीलाई जातीय विभेद गरेको आरोपमा भक्तपुरको सूर्यविनायक– ३ बालकोटस्थित स्थित सञ्जय साई विद्यामन्दिरका प्रधानाध्यापक तुल्सीराम भण्डारी र सहायक प्रधानाध्यापक यादव भट्टराईविरुद्ध जिल्ला अदालत भक्तपुरमा जातीय भेदभाव तथा छुवाछुतसम्बन्धी कसुरमा मुद्दा दायर भएको हो ।
आठ कक्षामा पढ्ने विद्यार्थीका अभिभावक चित्रबहादुर मिजारले दिएको जाहेरीका आधारमा प्रहरीले अनुसन्धान गरी मुद्दा चलाएको हो । परीक्षामा राम्रो नतिजा नआएपछि आफूलाई तल्लो जातको भनेर होच्याएको पीडित विद्यार्थीको भनाइ छ । प्रधानाध्यापक र सहायक प्रधानाध्यापकले भने आफूहरूले त्यस्तो व्यवहार नगरेको दाबी गरेका छन् ।
