- वि.सं २o८२ भदौ ४ बुधबार
सामाजिक सञ्जाल टिकटकले नेपालको पर्यटन प्रवर्द्धन गर्न सघाउने भएको छ । टिकटक भिडियोमार्फत विश्वव्यापी रूपमा नेपालको पर्यटक प्रवर्द्धन गर्न विश्वसामु नेपाल पर्यटन बोर्ड र टिकटकबिच मंगलबार साझेदारी भएको छ ।
यसअन्तर्गत ह्यासट्याग लाइफटाइम एक्सपेरियन्स नामक विशेष अभियान सुरु गरिएको छ, जसको लक्ष्य नेपालका हिमाल, प्राकृतिक सौन्दर्य, सांस्कृतिक सम्पदा र जीवन्त परम्परालाई टिकटक भिडियोमार्फत विश्वव्यापी दर्शकसमक्ष पुर्याउनु रहेको छ ।
समझदारीपत्र आदानप्रदान कार्यक्रमलाई सम्बोधन गर्दै संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले यो सहकार्यलाई नेपालको पर्यटन प्रवर्द्धनको पहलमा महत्वपूर्ण योगदान दिने बताए ।
साझेदारीअन्तर्गत टिकटकले नेपालमै डिजिटल प्लाटफर्ममार्फत नेपालका कथाहरू सुनाउने विषयमा कार्यशाला गर्नेछ ।
