वैशाख २० देखि २६ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको वैशाख २० गते शनिबारदेखि वैशाख २६ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ) : समाजिक कार्यमा संलग्न हुँदा पराक्रम बढ्नुका साथै अधुरा काम बन्ने र नयाँ काममा सोचेजस्तै सफलता मिल्ने योग छ । व्यापारमा सफलता सोचेजस्तै मिल्नेछ । यात्रा गर्ने अवसर मिल्नेछ । धन आर्जन पनि राम्रै हुनेछ । धेरैले भरोसा गर्ने योग भए पनि शुक्रबार विवाद तथा शत्रु बढ्ने र स्वास्थ्यमा संकट आउने, मित्र तथा परिवारबाट आलोचित हुनुपर्नेछ ।

वृष (इ, उ, ए, ओ, बा, बि, बु, बे, बो) : व्यापारमा केही कठिनाइ आउनेछ । यात्रा गर्ने अवसर मिले पनि विवादको समाना गर्नुपर्ने देखिन्छ । अधुरा काम बन्ने तथा नयाँ काम पाउने योग छ । दाम मनग्य कमाउने अवसर मिल्ने योग छ  । घरेलु काममा सफलता मिल्नेछैन । भाग्य बलियो हुने, धर्ममा रुचि बढ्ने र सामाजिक क्षेत्रमा सुधार आउने योग छ । शत्रु पराजय हुनेछन् । 

मिथुन (का, कि, कु, घ, ङ, छ, के, को, ह) : सामाजिक तथा सांस्कृतिक कार्यक्रममा संलग्न हुनुपर्नेछ । पराक्रम बढ्नुका साथै काममा सफलता मिल्ने, यात्रा तथा व्यापारमा लाभ हुनुका साथै भेटघाटमा प्रसन्नता बढ्नेछ । संयम हुँदै प्रयत्न गर्दा तपाईंको लगनशीलता र इमानदारिताको तारिफ गर्नेहरू धेरै हुनेछन् । पढाइमा सफलता मिल्नेछ  । नयाँ काम पाउने सम्भावना देखिन्छ । राज्यबाट सम्मान पाउने योग छ ।

कर्कट (हि, हु, हे, हो, डा, डि, डु, डे, डो) : काममा उतारचढाव आउने योग छ । स्वास्थ्यमा क्रमिक रूपमा सुधार हुनेछ । आध्यात्मिक र सामाजिक काममा सक्रिय बन्नुपर्नेछ । वादविवादमा विजय प्राप्त हुनेछ । विश्वास गरेकाले धोका दिनेछन् । अधुरा काम बन्ने तथा नयाँ काम पाउने योग छ । मातापिता र अभिभावकबाट महत्वपूर्ण सल्लाह र सुझाव प्राप्त हुनेछ ।

सिंह (मा, मि, मु, मे, मो, टा, टि, टु, टे) : धन कमाउने अवसर मिल्नेछ । अरूको विश्वास आफूतिर बढाउन पनि सकिनेछ  । महत्वपूर्ण जिम्मेवारी आउनेछ । पढाइमा रुचि बढ्नेछ । बौद्धिकता बढ्नेछ । धर्ममा रुचि बढ्नेछ । राज्यबाट सम्मान पाउने योग छ । बोलीको प्रभावमा अरूको मन जित्न सकिए पनि परिवारबाट सहयोग भने मिल्नेछैन । साताको अन्त्यमा पारिवारिक, धार्मिक यात्रा जुरेको छ ।

कन्या (टो, प, पि, पु, ष, ण, ठ, पे, पो) : व्यावसायिक काममा निकै नै उन्नति हुनेछ । राजनीति तथा नोकरीमा सोचेअनुसार लाभ मिल्नेछ  । काम गरेर अरूलाई प्रभावित पार्ने समय छ । धार्मिक वा सामाजिक कामबाट प्रतिष्ठा मिल्नेछ । व्यावसायिक यात्राको योग देखिन्छ । आयआर्जन पनि प्रशस्त हुनेछ । प्रेम र मित्रताको गाँठो कसिएला । सप्ताहान्तमा भने खर्चमा वृद्धि र व्यवसायमा गिरावट आउने देखिन्छ ।

तुला (र, रि, रु, रे, रो, ता, ति, तु, ते) :  प्रशंसनीय कार्य गर्ने अवसर मिल्नेछ । भेटघाटमा अरूबाट हुने प्रशंसाले मनमा खुसीको अनुभूति हुनेछ । भाग्यले साथ नदिए पनि कर्म बलियो भएकाले गरेका कामबाट आम्दानीका स्रोत प्रशस्त मात्रामा प्राप्त हुनेछ । आत्मविश्वास बढ्ने भएकाले ठुला व्यक्तिसित अन्तक्र्रिया हुने र उनीहरूबाट सम्मान पाउने योग छ  । वैदेशिक कार्यमा महत्वपूर्ण सफलता हात पार्न सकिनेछ । 

वृश्चिक (तो, ना, नि, नु, ने, नो, या, यि, यु) : साताको प्रारम्भमा घरायसी समस्याले घेर्नेछन् । प्रेम सम्बन्धमा उतारचढाव आउला । कामको दायित्व बढ्नेछ । धार्मिक कृत्यमा अभिरुचि बढ्नेछ । गरेको काममा प्रशंसा पाइएला । नयाँ कामको थालनी हुनेछ । साताको अन्त्यमा व्यापार बढ्नुका साथै आयमूलक काममा पनि सफलता नै मिल्नेछ । सेयरबजारमा सोचेअनुसार सफलता मिल्नेछ ।

धनु (ये, यो, भ, भि, भु, ध, फा, ढ, भे) : साताको सुरुमा धार्मिक र सामाजिक काममा संलग्न हुँदै आयमूलक कार्यका लागि अघि बढ्ने अवसर मिल्नेछ । भाग्यले साथ दिने योग छ । ठुला व्यक्तिबाट मानसम्मान पाउने, परिश्रमबाट काम बन्ने तथा देशको प्रतिनिधित्व गर्दै विदेश जाने अवसर पाउनुहोला । धन मनग्य कमाउने अवसर मिल्नेछ । प्रशंसा गर्नेहरू प्रशस्तै हुनेछन् । 

मकर (भो, ज, जि, खि, खु, खे, खो, गा, गि) : पढाइमा सोचेभन्दा बढी सफलता मिल्नेछ । वैदेशिक कार्यहरू सोचेभन्दा राम्रोसँग अघि बढ्नेछ । बुधबारदेखि स्वास्थ्यमा संकट आउने र मनमा चिन्ता बढ्ने काममा बाधा सिर्जना हुनेछ । लेनदेनमा अघि नबढ्नु उचित हुनेछ । शरीरमा चोटपटक लाग्न सक्छ । विश्वासमा धोका हुने भएकाले विश्वासमा भन्दा प्रयासमा अघि बढ्नुहोला । शुभ हुनेछ  ।

कुम्भ (गु, गे, गो, सा, सि, सु, से, सो, द) : साताको प्रारम्भमा अधुरा काम बन्नेछन् । शिक्षामा सोचेअनुसार सफलता मिल्नेछ । आतिथ्यपूर्ण सम्मान पाइनेछ । रमाइलो जमघटमा आफ्ना विचार राख्न पाइनेछ । बिहीबार र शुक्रबार केही समस्यामा परिनेछ । अनावश्यक झमेला आइलाग्न सक्छन् । विवाद बढ्ने र चोटपटक लाग्ने योग रहेकाले विशेष सावधानी अपनाउनुपर्नेछ ।

मीन (दि, दु, थ, झ, ञ, दे, दो, च, चि) : साताको प्रारम्भमा राम्रो प्रगति गर्न सकिनेछ । प्रतिष्ठित बुद्धिजीवीसँग भेटघाट गर्ने मौका मिल्नेछ । शैक्षिक क्षेत्र लाभदायक छ । व्यावसायिक कामबाट लाभ उठाउने मौका छ । शत्रु परास्त भएर जानेछन् । मुद्दासमेत किनारा लाग्नेछन् । प्रेम सम्बन्ध प्रगाढ बन्नेछ । तर, साताको अन्त्यमा पारिवारिक झमेला, काममा बाधा र स्वास्थ्यमा संकट आउने योग छ ।