- वि.सं २o८१ कार्तिक १९ सोमबार
बारा प्रहरीले ३४ केजी गाँजासहित दुईजनालाई पक्राउ गरेको छ । बाराको सिम्रौनगढ नगरपालिकाबाट इलाका प्रहरी कार्यालय सिम्रौनगढले ठुलो परिमाणको गाँजासहित दुईजनालाई नियन्त्रणमा लिएको हो ।
पक्राउ पर्नेमा दीपेन्द्र कुसवाह र सरोजप्रसाद यादव रहेका छन् । सिम्रौनगढ नगरपालिका– ४ गंगानगर बस्ने हिरा महतोको गाईगोठबाट प्रहरीले ३४ केजी गाँजा नियन्त्रणमा लिइएको इलाका प्रहरी कार्यालय सिम्रौनगढका प्रमुख तथा प्रहरी निरीक्षक नवीन राईले जानकारी दिए ।
शनिबार बिहान ९ बजे इलाका प्रहरी कार्यालय सिम्राैनगढका प्रमुख तथा प्रहरी निरीक्षक नवीन राईको कमान्डमा गएको प्रहरी टोलीले प्याकिङ गरिरहेको अवस्थामा ३४ केजी गाँजासहित दुईजनालाई नियन्त्रणमा लिएको प्रहरी निरीक्षक राईले बताए ।
