Skip This
नेपाली कांग्रेसका सभापति शेरबहादुर देउवाले प्रतिनिधिसभामा प्रस्तुत टिआरसी विधेयकले संक्रमणकालीन न्यायका सबै आधारभूत मान्यता बोकेको बताएका छन् । बुधबार प्रतिनिधिसभा बैठकमा विधेयकमाथि आफ्ना धारणा राख्दै देउवाले विधेयकले द्वन्द्वको पुनरावृत्ति नहुने अवस्थालाई सुनिश्चित गर्ने व्यवस्था गरेको बताए।
‘संसदमा प्रस्तुत विधेयकले संक्रमणकालीन न्यायका सबै आधारभूत मान्यता बोकेको छ । सत्यको अनुशरण गर्ने, न्याय गर्ने, पीडितलाई परिपूरण गर्ने र द्वन्द्वको पुनरावृत्ति नहुने अवस्थालाई सुनिश्चित गर्ने व्यवस्था विधेयकले गरेको छ,’ उनले भनेर
संक्रमणकालीन न्यायसम्बन्धी विधेयकमा भएको राष्ट्रिय सहमतिले संक्रमणकालीन न्यायको जटिल काम आफैँ सम्पन्न गर्न नेपाली राजनीतिक दलहरू सक्षम रहेको सिद्ध गरेको सभापति देउवाको भनाइ छ। नेपालले शान्तिप्रक्रियामा अवलम्बन गरेका नीति विश्वका लागि समेत उदाहरणीय र अनुकरणीय रहेको उनले दोहोर्याए।
