अन्तिम खेलमा प्यालेस्टाइनलाई ४–० ले हराउँदै नेपाल वाफ महिला च्याम्पियनसिप २०२४ को समूह ‘बी’ विजेता बनेको छ । साउदी अरेबियाको रियादमा प्यालेस्टाइनलाई हराउँदा स्ट्राइकर सावित्रा भण्डारीले दुई तथा रेखा पौडेल र रक्षक गीता रानाले समान एक गोल गरेका थिए ।
शनिबार राति प्यालेस्टाइनलाई हराउँदा नेपाल अपराजित रहँदै समूह विजेता बनेको हो । समूह ‘बी’ नेपालले पहिलो खेलमा सिरियालाई ४–१ तथा दोस्रो खेलमा इराकलाई ५–० ले हराएको थियो ।
एक खेलअघि नै सेमिफाइलनमा पुगेको नेपालले फाइनल प्रवेशका लागि समूह ‘ए’को उपविजेता लेबनानसँग खेल्नेछ । अर्को सेमिफाइनलमा जोर्डन र प्यालेस्टाइन भिड्नेछन् ।