Read Time : < 1 मिनेट
२o८१ बैशाख २१ शुक्रबार १५:३३:oo
घरबाटो सिफारिसका लागि सेवाग्राहीसँग १५ लाख रुपैयाँ घुस लिने वडाध्यक्षविरुद्ध अख्तियार दुरुपयोग अनुसन्धान आयोगले शुक्रबार विशेष अदालतमा मुद्दा दायर गरेको छ। काभ्रेपलाञ्चोकको बनेपा नगरपालिका– ९ का वडाध्यक्ष नृपेश बादेविरुद्ध अख्तियारले मुद्दा दायर गरेको हो।
घरबाटो सिफारिस गर्ने प्रयोजनका लागि सेवाग्राहीसँग १५ लाख रुपैयाँ घुस लिइसकेको अवस्थामा अख्तियारको टोलीले उनलाई गत ३ गते रंगेहात पक्राउ गरेको थियो।
घुससहित स्राेत नखुलेको १० हजार जापानिज यान, एक सय अमेरिकी डलर, हुन्डाई कार र चालक पदमबहादुर प्रधानलाई समेतलाई भक्तपुरको मध्यपुर ठिमीबाट अख्तियारले नियन्त्रणमा लिएको थियो।
अनुसन्धानबाट वडाध्यक्ष बादेले घुस लिएको पुष्टि भएपछि अख्तियारले उनलाई घुस रकमलाई नै बिगो कायम गरेर मुद्दा दर्ता गरेको हो।