नेकपा माओवादी केन्द्रका सांसद अमनलाल मोदीले देशभरका सहकारीलाई छानबिनको दायरामा ल्याउनुपर्ने बताएका छन्।
बुधबार प्रतिनिधिसभा बैठकको शून्य समयमा बोल्दै उनले सहकारीलाई छानबिनको दायरामा ल्याउन माग गरेका हुन्।
आफ्नो श्रम र पसिनाबाट आर्जित गरी सहकारीमा बचत गरेको जनताको पैसा दुरुपयोग भइराखेको बताउँदै उनले छानबिनको माग गरे।
उनले भने, ‘म सरकारलाई विशेष अनुरोध गर्न चाहन्छु, देशैभरका सहकारीलाई छानबिनको दायरामा ल्याउनुपर्छ। जनताको पैसा फिर्ता गराउनुपर्छ।’