- वि.सं २०८१ बैशाख १६ आइतबार
राष्ट्रपति रामचन्द्र पौडेलसमक्ष निर्वाचन आयोगले ११ माघमा सम्पन्न राष्ट्रिय सभा सदस्य निर्वाचनको प्रतिवेदन पेस गरेको छ।
राष्ट्रपतिभवन शीतलनिवासमा आइतबार आयोजित एक कार्यक्रममा प्रमुख निर्वाचन आयुक्त दिनेशकुमार थपलियाले आयोगको प्रतिवेदन पेस गरेका छन्।
सो अवसरमा राष्ट्रपति पौडेलले आचारसंहितालगायतका विषयमा राजनीतिक दलहरूसँग छलफल गरी निर्वाचन आयोगले निर्वाचनलाई अझ स्वतन्त्र, धाँधलीरहित र निष्पक्ष बनाउन आवश्यक रहेको बताए।
२० फागुनदेखि राष्ट्रिय सभाको ६ वर्षे कार्यकाल समाप्त भएर रिक्त २० सिटमध्ये १९ सिटका लागि ११ माघमा निर्वाचन सम्पन्न भएको थियो।
