मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ३ सोमबार
  • Monday, 15 April, 2024
नयाँ पत्रिका काठमाडौं
२०८० माघ ७ आइतबार ०८:२४:००
Read Time : < 1 मिनेट
समाचार प्रिन्ट संस्करण

कोरोना भाइरसविरुद्धको ४० लाख मात्रा खोप नष्ट गरिँदै

Read Time : < 1 मिनेट
नयाँ पत्रिका, काठमाडौं
२०८० माघ ७ आइतबार ०८:२४:००

सरकारले कोरोना भाइरसविरुद्ध ल्याएको ४० लाख मात्रा खोप प्रयोगमा नआएपछि नष्ट (डिस्पोजल) गर्ने तयारी गरेको छ । चीन सरकारले अनुदानमा उपलब्ध गराएको साइनोभ्याक खोप प्रयोग नगरी म्याद सकिएपछि स्वास्थ्य तथा जनसंख्या मन्त्रालयले विसर्जन गर्ने तयारी गरेको हो । 

मन्त्रालयका प्रवक्ता डा. प्रकाश बुढाथोकीले कोरोना भाइरसविरुद्धको ४० लाख मात्रा खोप विसर्जनको तयारी भइरहेको जानकारी दिए । ‘खोप प्रयोग नभएपछि म्याद सकिएको छ,’ उनले भने, ‘धेरै मात्रा खोप भएकाले के–कसरी विसर्जन गर्ने भन्ने विषयमा कार्यविधि बनाउँदै छौँ ।’ प्रवक्ता डा. बुढाथोकीका अनुसार खोपलाई धेरै तापक्रममा वा इँटाभट्टामा राखेर जलाउने भन्नेमा छलफल भइरहेको छ । बुस्टर डोजका लागि प्रयोग गर्न नमिल्ने भएपछि साढे दुई वर्षदेखि स्वास्थ्य सेवा विभागको केन्द्रीय भण्डारणमा खोप थन्किएको छ । 

विश्व स्वास्थ्य संगठन (डब्लुएचओ)ले बुस्टर डोजका लागि प्रयोग गर्न नभनेपछि राष्ट्रिय खोप सल्लाहकार समितिले उक्त खोप नलगाउने निर्णय गरेको थियो । उक्त खोप चीन सरकारबाट अनुदानमा १२ वैशाख ०७८ मा ३४ लाख ४३ हजार तीन सय ६० मात्रा र १४ वैशाखमा पाँच लाख ५६ हजार ६ सय ४० मात्रा खोप नेपाल आएको थियो ।