- वि.सं Invalid date format
सेयर बजारमा आज पनि गिरावट आएको छ। आइतबार ७ अंकले ओरालो लागेको बजार परिसूचक नेप्से आज ३.४२ अंकले घटेर १८४७.८१ बिन्दुमा ओर्लिएको छ।
आज विकास बैंक, फाइनान्स, बिमा र म्युचुअल फन्डबाहेक सबै समूहको सेयर घटेको छ। यसमा पनि उत्पादन तथा प्रशोधन, व्यापार र अन्य समूहको सेयर उच्च अंकले ओरालो लागेको छ।
यस दिन ३८ लाख ९६ हजार कित्ता सेयर किनबेच हुँदा एक अर्ब १९ करोड रुपैयाँबराबरको कारोबार भएको छ। आज सबैभन्दा धेरै सोनापुर मिनरल्स एन्ड आयल कम्पनीको सात करोड ४६ लाख रुपैयाँको सेयर किनबेच भएको छ। समग्र बजार घटेको दिन समाज लघुवित्तको सेयर आठ प्रतिशतले बढेको छ।
