- वि.सं २o८o कार्तिक २३ बिहीबार
राष्ट्रपति रामचन्द्र पौडेलले एक महिनाको तलब भूकम्पपीडितलाई उपलब्ध गराउने भएका छन् । राष्ट्रपति पौडेलका प्रेस सल्लाहकार किरण पोखरेलका अनुसार आफ्नो एक महिनाको तलबबराबरको रकम प्रधानमन्त्री दैवी प्रकोप उद्धार कोषमा उपलब्ध गराउने भएका हुन् ।
राष्ट्रपति पौडेल मंगलबार भूकम्प प्रभावित क्षेत्रको अवस्था बुझ्न जाजरकोट र रुकुम पश्चिम पुगेका थिए । उनले २२ कात्तिकदेखि तय भएको युरोप भ्रमण भूकम्पका कारण स्थगित गरेका थिए । त्यस्तै, बुधबार राष्ट्रपति पौडेलले स्वास्थ्यमन्त्री मोहनबहादुर बस्नेतलाई शीतलनिवासमा बोलाएर भूकम्पबाट भएका घाइतेहरूको प्रभावकारी उपचार मिलाउन सुझाएका छन् ।
