Skip This
रुकुमको त्रिवेणी श्रम सहकारीले बेसारको चाना जर्मनी पठाउने
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o भदौ २६ मंगलबार
  • Tuesday, 23 July, 2024
रासस रुकुम
२o८o भदौ २६ मंगलबार १२:३४:oo
Read Time : < 1 मिनेट
अर्थ डिजिटल संस्करण

रुकुमको त्रिवेणी श्रम सहकारीले बेसारको चाना जर्मनी पठाउने

Read Time : < 1 मिनेट
रासस, रुकुम
नयाँ पत्रिका
२o८o भदौ २६ मंगलबार १२:३४:oo

रुकुम पश्चिमको त्रिवेणी गाउँपालिकामा रहेको त्रिवेणी श्रम सहकारी संस्थाले रुकुम पश्चिममा उत्पादित बेसार जर्मनी पठाउने तयारी गरेको छ।

पालिकामा प्रशोधन केन्द्र स्थापना गरेको सहकारीले जिल्लामा उत्पादित बेसार विदेश पठाउने योजना बनाएको हो। ‘हामीले उत्पादन गरेको बेसारको चाना परीक्षणका लागि जर्मनी पठाएका थियौँ। गुणस्तर राम्रो भएको भन्ने रिपोर्ट आएको छ। अब बेसारको चाना प्रशोधनको तयारीमा छौँ। यो मंसिरदेखि बेसार जर्मन पठाउन सुरु गर्दै छौँ,’ सहकारीका अध्यक्ष शेरबहादुर मल्लले भने।

‘सहकारीका सदस्यलाई बेसार खेती गर्न भनेका छौँ । दुई सय सदस्यले यसपटक बेसारखेती गर्नुभएको छ। उहाँहरूले राम्रो बेसार उत्पादन गर्ने योजना पनि बनाउनुभएको छ । त्यही बेसारको चाना पहिलो चरणमा जर्मन पठाउने छौँ,’ अध्यक्ष मल्लले भने।

गाउँपालिकामा उत्पादन भएको बेसारले मात्र माग धान्न नसक्ने उनको भनाइ छ । जिल्लाको अन्य क्षेत्रमा पनि बेसार उत्पादनका लागि किसानलाई पहिले नै भनेको सहकारीले जनाएको छ। सहकारीले अदुवा र बेसार प्रशोधनका लागि उद्योग स्थापना गरेको जनाएको छ।

जिल्लाको त्रिवेणी गाउँपालिका र चौरजहारी नगरपालिकाका विभिन्न ठाउँमा राम्रो अदुवा र बेसार उत्पादन हुने गर्छ। व्यापारीले जिल्लाबाटै अदुवा र बेसार खरिद गर्ने गर्दै आएकोमा अब भने जिल्लामा उत्पादित अदुवा र बेसार त्रिवेणी गाउँपालिकामा रहेको अदुवा, बेसार प्रशोधन केन्द्रले खरिद गरिदिनेछ।

प्रशोधन केन्द्रमा चाहिने भौतिक संरचना र मेसिनका लागि कर्णाली प्रदेश सरकारले सहकारी संस्थालाई रु. एक करोड ५० लाख दिएको थियो। सहकारीले पनि उद्योग सञ्चालनका लागि रु. ४८ हजार रकम खर्च गरेको सहकारीका अध्यक्ष मल्लले जानकारी दिए।

जिल्लामा उत्पादन भएको बेसार र अदुवा विदेश पठाइने भएपछि अदुवा र बेसारले पनि राम्रो मूल्य पाउने किसानको विश्वास छ।