Read Time : < 1 मिनेट
२o८१ बैशाख २१ शुक्रबार २o:३२:oo
कपिलवस्तुको बाणगंगामा कुलाले बगाउँदा एक महिलाको मृत्यु भएको छ । बाणगंगा नगरपालिका वडा नम्बर ८ ढोडेकोलस्थित बाणगंगा नदीबाट सिँचाइका लागि बनाइएको कुलोमा बिहीबार माछा मार्ने क्रममा डुबेर एक महिलाको मृत्यु भएको हो ।
मृत्यु हुनेमा ५० वर्षीया गुढ्डी थारू रहेको इलाका प्रहरी कार्यालय पिपराले जनाएको छ । इलाका प्रहरी कार्यालयका अनुसार आज बिहान माछा मार्ने क्रममा बगेकी महिलाको शव करिब एक किलोमिटर तल फेला परेको थियो ।
गुढ्डीका श्रीमान्, दुई छोरी र एक छोरा छन् । उनको शवलाई पोस्टमार्टमका लागि जिल्ला अस्पताल तौलिहवा पठाइएको र घटनाका सम्बन्धमा थप अनुसन्धान भइरहेको प्रहरीले जनाएको छ ।
