- वि.सं Invalid date format
एमालेक अध्यक्ष केपी ओलीले गिरिबन्धु टी स्टेटको जग्गाबारे अनुसन्धान गर्न आवश्यक नरहेको बताएका छन्। बुधबार संसद् भवन परिसरमा सञ्चारकर्मीहरूसँग कुरा गर्दै उनले आवश्यक भए सरकारले अनुसन्धान गर्न सक्ने प्रस्ट पारे।
‘गिरिबन्धुले चिया स्टेट लगाएका छन्, चिया बनाएका छन्। बिनाकानुन पहिला जमिन दिएको थियो, सट्टा भर्ना अहिले हामीले कानुन बनाइदिएका छौँ। जरुरी नै छैन, गर्न मन लागे छानबिन गरे हुन्छ,’ ओलीले भने।
सरकार उच्चस्तरीय आयोगको विषयमा लचिलो भएर सदन खुलाएकोमा अध्यक्ष ओलीले धन्यवाद दिए। उनले भने, ‘हामी पहिलैदेखि सदन खुलाउने, चलाउने पक्षमा हो। तर, यो सुन तस्करीको काण्ड जुन भइरहेको छ, यो सधैँका लागि रोकियोस्, यसको राम्रो छानबिन होस्, निर्दोष नपरून्, दोषी नउम्कियून् भन्ने हो। यसमा सरकारले मन्जुर गरेको थिएन, त्यसकारण तनाव भएको हो।’
