१२ वर्षअघि पाकिस्तानका अलराउन्डर सोएब मलिक र भारतीय टेनिस खेलाडी सानिया मिर्जाले धुमधामसँग विवाह गरेका थिए । यसबीच, उनीहरूको वैवाहिक सम्बन्धमा केही समस्या आएको थियो । तर, अचानक अहिले सोएब र मिर्जा ‘तलाक’ लिने तयारीमा छन् । दुई वर्षयता उनीहरूबीचको सम्बन्ध राम्रो नभएको र एक–अर्कासँग अलग बसेको भारतीय र पाकिस्तानी मिडियाले जनाएका छन् ।
पाकिस्तानका अलराउन्डर सोएबले आफ्नी श्रीमती मिर्जासँग सम्बन्धविच्छेदको प्रक्रिया अगाडि बढाइसकेका छन् । सोएबले आफ्नो इन्स्टाग्रामको बायोमा परिवर्तन गरेपछि मिर्जासँगको सम्बन्ध अत्यन्तै चिसिएको खुलासा भएको हो । उनले आफ्नो बायोबाट श्रीमतीको स्टाटसबाट सानिया मिर्जाको नाम हटाएका छन् । उनले मिर्जालाई मेन्सन पनि गरेका छन् । यसबाट उनीहरू एक–अर्काबाट अलग्गिन लागेको भन्ने अनुमान गरिएको छ ।गत वर्षको वर्ष नोभेम्बरमा मिर्जा र मलिकले सम्बन्धविच्छेद गरेको खबर नआएको पनि होइन । तर, त्यसबारेमा दुवैले केही पनि प्रतिक्रिया जनाएनन् ।
त्यसवेला एउटा टेलिभिजन कार्यक्रममा सोएबले सम्बन्धविच्छेदको बारेमा केही योजना नभएको स्पष्ट पारेका थिए । तर, यस वर्षको मुस्लिम समुदायको महान् चाडका रूपमा रहेको इदमा सोएबले खिन्नता प्रकट गरेका थिए । श्रीमती र छोरासँग इद मनाउन नपाउँदा अत्यन्तै दुःखी भएको उनले जनाएका छन् । ‘मेरो चाहना श्रीमती र छोरासँगै इद मनाउने थियो, तर यो सपना पूरा भएन,’ सोएबले लेखेका छन् ।