एभरेष्ट दुधौली नपा सिन्धुलीमा रहेको सरस्वती माध्यमिक विद्यालय डकाहालाई खानेपानीका लागि एक लाख ५० हजार सहयोग गरेको छ । बैंकका नायब प्रमुख कार्यकारी अधिकृत विजयकुमार शर्माले विद्यालयका सहायक प्रधानाध्यापक विष्णुप्रसाद सापकोटालाई सो रकमबराबरको चेक हस्तान्तरण गरेका छन् ।
यस सहयोगबाट उक्त विद्यालयमा अध्ययन गर्ने बालबालिकालाई स्वच्छ खानेपानी वितरणमा टेवा पुग्ने र शिक्षादीक्षामा थप सहज हुने विश्वास बैंकले लिएको छ । साथै, विद्यालयका सहायक प्रधानाध्यापक सापकोटाले बैंकको सहयोगले विद्यालयको खानेपानीको समस्या तथा समग्र विकासमा उल्लेखनीय भूमिका खेल्ने र आगामी दिनमा समेत यस्तै किसिमको सहयोगको अपेक्षा रहेको बताए ।