काठमाडौंबाट सञ्चालन हुने सार्वजनिक सवारीसाधनहरू भोलिदेखि गोंगबुमा रहेको नयाँ बसपार्कबाट मात्र छुट्ने भएका छन्। अन्य विभिन्न स्थानमा राखिएका टिकट काउन्टर र बस स्टेसनहरू हटाइने भएको छ।
काठमाडौं महानगरपालिकाले आज सरोकारवालाहरूको बैठकपछि यस्तो निर्णय लिएको हो। छोटो, मध्यम र लामो दूरीका सबै सार्वजनिक सवारीसाधनहरू नयाँ बसपार्कबाट मात्र छुट्ने गरी निर्णय गरिएको महानगरले जनाएको छ।
बसपार्कबाहेक अन्य स्थानमा राखिएका सम्पूर्ण टिकट काउन्टरहरू पनि भोलिदेखि नै हटाउने निर्णय भएको छ।