- वि.सं Invalid date format
काठमाडौं महानगरपालिका- २८ पुतलीसडक धोबीधारामा पाँचतलासम्मको नक्सा पास गरी आठतले भवन निर्माण गरेपछि महानगरले अनुगमन गरेको छ।
सोमबार महानगरको नगर प्रहरीले उक्त भवनको अनुगमन गरेको हो। वडा नम्बर २८ का वडाध्यक्ष भाइराम खड्गीले महानगरलाई गत मंसिरमा मापदण्डविपरीत भवन निर्माण भएको र जमिनमुनिको पानी जथाभावी तानेको भन्दै उजुरी दिएका थिए।
उजुरीपछि पनि महानगर प्रहरी नपुगेको भन्दै उनले सोमबार महानगरका नगर प्रहरी प्रमुख राजुनाथ पाण्डेलाई भेटेर जानकारी गराएका थिए। त्यसलगत्तै नगर प्रहरी अनुगमन गर्न गएको नगर प्रहरी प्रमुख पाण्डेले बताए।
‘उक्त भवन पाँच तलासम्म मात्रै महानगरमा नक्सापास भएको छ, त्यसरी विनानक्सापास भवन बनाउन पाइँदैन,’ उनले भने, ‘मापदण्डविपरीत निर्माण भएको पाइएमा कारबाही हुन्छ।’
