विश्व सकारात्मक दिवसका अवसरमा शुक्रबार बन्दीपुरमा अन्तर्क्रिया गरिएको छ ।सरसफाइ विज्ञ नमस्तेलाल भुमीले सकारात्मक सोचकै कारण उन्नती, प्रगति हुने बताए ।
‘यहाँ हरेक थरि सोच भएका मानिस हुन्छन् । सबैको सोच फरक–फरक होला तर, सोचाइ सकारात्मक हुनुपर्छ,’ उनले भने, ‘राम्रो चिज सोचियो भने नै सफल हुने हो । सबैले नकारात्मक सोचलाई त्यागेर सकारात्मक सोच लिनुपर्छ ।
पछिल्लो समय युवापिँढीमा पनि नकारात्मक भावनाको विकास हुँदै गएकोबारे छलफल भएको थियो । हरेक वर्ष मे ५ लाई सकारात्मक दिवसका रुपमा मनाइदै आएको छ ।
‘अधिकार मात्र होइन कर्तव्यको पनि ख्याल राखि सकारात्मक सोच, खोज र रोज गरी सकारात्मक साथ दिवस मनाऊ’ भन्ने उद्देश्यले बन्दीपुरमा कार्यक्रम गरिएको हो ।