मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २०७९ चैत १४ मंगलबार
  • Tuesday, 28 March, 2023
नयाँ पत्रिका काठमाडाैं
२०७९ माघ १३ शुक्रबार ०७:१४:००
Read Time : < 1 मिनेट
समाचार प्रिन्ट संस्करण

प्रहरीले सुरु गर्‍यो नर्सिङ कलेज

Read Time : < 1 मिनेट
नयाँ पत्रिका, काठमाडाैं
२०७९ माघ १३ शुक्रबार ०७:१४:००

नेपाल प्रहरीले आफ्नो कल्याणकारी कोषबाट नर्सिङ कलेज सञ्चालनमा ल्याएको छ । प्रहरी महानिरीक्षक धीरजप्रताप सिंहले नेपाल प्रहरी अस्पतालमा स्थापना गरिएको कलेजको बिहीबार उद्घाटन गरेका छन् ।

प्राविधिक शिक्षा तथा व्यावसायिक तालिम परिषद् (सिटिइभिटी)बाट सम्बन्धन लिएर प्रमाणपत्र तह नर्सिङ कार्यक्रम सञ्चालन थालेको हो । प्रहरी प्रवक्ता डिआइजी पोषराज पोखरेलका अनुसार यस कलेजमा ४० विद्यार्थी भर्ना भएका छन् ।

व्यापारभन्दा सेवाको उद्देश्यले नर्सिङ कलेज सुरु गरिएको उनको दाबी छ । ‘कलेजमा प्रहरीका सन्ततीले छात्रवृत्तिमा पढ्न पाउनेछन् । नाफा कमाउने उद्देश्यले नर्सिङ कार्यक्रम सुरु गरिएको होइन,’ प्रवक्ता पोखरेलले भने, ‘प्रहरी अस्पतालका लागि दक्ष जनशक्ति उत्पादन गर्ने पनि लक्ष्य हो ।’ प्रहरीले यसअघि मेडिकल कलेज स्थापनाका लागि प्रयास गरेकोमा डा. गोविन्द केसीको आन्दोलनपछि सम्बन्धन रोकिएको थियो ।