- वि.सं २o७९ माघ ११ बुधबार
कञ्चनपुरमा फेरि जंगली हात्तीको आक्रमणबाट एक महिला घाइते भएकी छिन् । लालझाडी गाउँपालिका– ६ ढक्का शिविरकी रत्ना सार्की हात्तीको आक्रमणबाट घाइते भएकी हुन् ।
बुधबार दिउँसो खरियो काट्ने क्रममा ५५ वर्षीया रत्नालाई जंगली हात्तीले घाइते बनाएको आरक्षपीडित संघर्ष समितिका अध्यक्ष हिरासिंह भण्डारीले बताए । शुक्लाफाँटा राष्ट्रिय निकुञ्जले खरियो पुर्जी खोलेपछि उनी त्यहाँ गएकी थिइन् ।
जिल्ला प्रहरी कार्यालय कञ्चनपुरका प्रहरी प्रवक्ता चक्रबहादुर शाहका अनुसार घाइते महिलाको अवस्था चिन्ताजनक रहेको र उपचारका लागि अस्पताल लगिएको छ ।
यसअघि गत १९ पुसमा शुक्लाफाँटा नगरपालिका– १२ कालागौडीको ४४ वर्षीय जितबहादुर भाटमाथि जंगली हात्तीले आक्रमण गरेको थियो ।
2024-09-18-01-30-27.gif)
2024-09-18-01-30-29.gif)
