नेपाल धितोपत्र बोर्डबाट मर्चेन्ट बैंकर, डिपोजिटरी, योजना व्यवस्थापक तथा विशिष्टीकृत लगानी व्यवस्थापन गर्न इजाजतपत्रप्राप्त संस्थाहरूको संगठन नेपाल मर्चेन्ट बैंकर संघका पदाधिकारीले अर्थमन्त्री विष्णु पौडेलसँग भेटवार्ता गरेका छन् । संघका पदाधिकारीले नवनियुक्त अर्थमन्त्रीलाई बधाई र सफल कार्यकालको कामनाका साथै पुँजीबजारको विकास विषयमा छलफल गर्न भेट गरेका हुन् ।
नेपालको पुँजीबजारको विकास र संवद्र्घनका लागि सक्रिय रूपमा कार्यरत संघ भएकाले अर्थमन्त्रीसँग यस विषयमा छलफल भएको जनाएको छ । अर्थमन्त्री पौडेलको कार्यकालमा नेपालको पुँजीबजारले कोसेढुंगा कायम गर्ने तथा अर्थतन्त्र सबल हुने विश्वास लिएको संघले जनाएको छ ।
भेटघाटका अवसरमा अर्थमन्त्रीसमक्ष नेपालको अर्थतन्त्रको वर्तमान अवस्था तथा अर्थतन्त्रका सम्बन्धमा मर्चेन्ट बैंकरले खेल्न सक्ने भूमिकाका सम्बन्धमा विस्तृत विवरण अर्थमन्त्री शर्मालाई पेस गरेको जनाइएको छ ।