- वि.सं Invalid date format
नेपाल मजदुर किसान पार्टी (नेमकिपा)का सांसद प्रेम सुवालले स्वदेशमै रोजगारी दिन सक्ने कानुन निर्माण गर्न आफूले संसदमा आवाज उठाउने बताएका छन्। शनिबार भक्तपुर १ का मतदाताहरूलाई धन्यवाद दिन निकालिएको विजय जुलुसपछि सञ्चारकर्मीसँग कुरा गर्दै उनले यस्तो बताएका हुन्।
उनले देशभरका मजदुर किसान, काम गरी खाने जनतालाई फाइदा हुने कानुन निर्माणमा आफू हरक्षण माग गरिरहने बताए। सरकारका मन्त्रीहरूले नै भारत सरकारसँग मल किन्ने र कमिसन खाने गरेको आरोप लगाउँदै उनले नेपालमै मलखाद कारखाना खोल्नुपर्नेमा जोड दिए।
‘हामीले मल कारखाना हाम्रै देशमा खोल्नुपर्छ भनेका छौँ, तर मन्त्रीहरू नै भारतसँग किन्ने र पैसा खाने गर्छन्। उनीहरूको काम नै त्यही हो। हाम्रै देशमा निःशुल्क स्वास्थ्य उपचारको व्यवस्थाका लागि कानुन बनाउन आवाज उठाउनेछौँ,’ सुवालले भने।
