- वि.सं २o८२ भदौ १९ बिहीबार
नेपाली कांग्रेसका सांसद चन्द्र भण्डारीले शक्तिका आधारमा इलाका व्यवस्था प्रशासन शाखा नबनोस् भनेर सरकारलाई सुझाव दिएका छन् । बिहीबार प्रतिनिधिसभाको शून्य समयमा बोल्दै सांसद भण्डारीले सरकारले इलाका प्रशासन कार्यालयहरू त्यही जिल्लामा स्थापना गर्ने तयारी गरिरहेकाले आवश्यकताका आधारमा सबै जिल्लामा लागू गर्न आग्रह गरे ।
नागरिकता, राष्ट्रिय परिचयपत्र, जग्गधनी पत्र र मतदाता नामावलीलगायतका आवश्यक चिजहरू बनाउनका लागि आवश्यकताका आधारमा निर्वाचन क्षेत्र प्रदेशको आधारमा र संघको आधारमा एउटा निश्चत मापदण्ड बनाएर सुरु गर्नुपर्ने उल्लेख गरे ।
कोही सांसद शक्तिशाली हुँदा उसको जिल्लामा हुने र कोही शक्तिशाली नहुँदा अर्काे जिल्लामा नहुने व्यवस्था नहोस् भनेर माग गरे ।
